• الرئيسية
• فن ومنوعات

بأسلوبه الصريح، خرج الفنان "حسام حبيب" عن صمته ليرد على ما تم تداوله مؤخرًا من شائعات حول خطبته من عارضة أزياء أردنية، خاصةً بعد انتشار صورة جمعتهما، مؤكدًا اعتزامه اتخاذ خطوات قانونية حاسمة ضد مروجي هذه الأخبار الزائفة.

وفي تصريحاته لبرنامج "ET بالعربي"، نفى "حبيب" بشكل قاطع ما أشيع عن ارتباط رسمي، قائلاً: "الموضوع موصلش للخطوبة نهائي، هما سبقوا الأحداث وخلّوا الموضوع يتعقّد بدل ما يحصل فيه خير.. ومش عارف الناس عايزين إيه مني بجد، على طول الناس بتخربلي حياتي".

وأضاف "حسام" بحسرة أن تلك الشائعات أساءت للطرف الآخر أيضًا، موضحًا أن عائلة الفتاة تنتمي إلى بيئة محافظة ومحترمة جدًا، مُتسائلًا: "زيّ ما إحنا زمان كان لينا عاداتنا وتقاليدنا، وكنا بنتحرم يعني إيه بنت، مش عارف إيه اللي حصل للمصريين؟ النخوة اللي كانت عندنا راحت فين؟".

وانتقد "حبيب" هوس بعض الأشخاص بالسعي وراء الشهرة والتريندات، قائلاً: الناس بقت بتتكلم في أي حاجة لمجرد التريند وتحقيق المشاهدات بس! وييجوا يقولوا: حسام هو اللي بيدوّر على اللقطة! فين اللقطة أنتم اللي بتدوروا ورايا أهو!".

كما أعرب "حبيب" عن استيائه من تداول أخبار لا أساس لها، منها ادعاءات عن علاقة قديمة تربطه بالفتاة، مُشددًا: هي أصلاً البنت عندها كام سنة عشان يتقال كده؟ ابعدوا عن حياتي بقى، إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث. دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟".

وفي ختام حديثه، توعد "حسام حبيب" بالتصعيد القانوني، مؤكدًا أن الأمر لن يمر مرور الكرام، قائلاً: "اللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس".

وتابع: "هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!".