بسبب نزلة برد.. نقل زوج عارفة عبد الرسول للرعاية المركزة
أعلنت الفنانة عارفة عبدالرسول، نقل زوجها لغرفة الرعاية المركزة حيث قالت إنهما يعانيان من نزلة برد حادة لكنه لم يتحمل آثار أعراضها وتم نقله للمستشفى.
كتبت عارفة، عبدالرسول تفاصيل تلك الأزمة وسر ذهابها للسينما رغم الأزمة الصحية التي يمر بها زوجها وقالت:"من نص رمضان وأنا وجوزى راقدين بدور البرد الملعون وف يوم الوقفه جوزى دخل عنايه مركزه والعيد باظ على الاحفاد اللى اتحبسوا في البيت".
وأضافت:"أنا بقيت كويسه وأحفادى صعبوا عليا خطفتهم وقولت أوديهم السينما.. اخترت فيلم سيكو سيكو لأن عصام عمر من زملاء كحرته اسكندرية وطه دسوقي صديق جديد فيه بينا محبه وعلى صبحى زميل سنكحه مسرح روابط وفرقة حالة وقهوة التكعيبه والمخرج عمر المهندس مكسبى من مسلسل بالطو علاوه على شله الانتاج اللى عملت بالطو... حفله تسعه كومبليه روحنا حفله عشره ونص...ضحكنا بقى مسمع في اسكندريه كلها».
وأضافت: "رجعت بفتح الفيس عشان أقول هيييه وأهنى صحابى إلا والاقى كميه هم بيور من اللى يوقعك في بير الاكتئاب ماتعرفش تخرج.. الراجل اللى الأسد كل دراعه رفح اللى أبيدت واخيرا رحيل زوجه الفنان نضال الشافعى ربنا يصبر قلبه.. حمدت ربنا أنه ادانى شويه الضحك دول عشان اأقدر أكمل.. الأخبار صعبة اخطفوا ساعتين بس اضحكوا شويه اغسلوا الجراح.. وربنا يخلى لنا الفن اللى بيصبرنا على العيشة"..
يذكر أن آخر أعمال عارفة عبد الرسول فيلم "بنقدر ظروفك"، وشاركها بطولته أحمد الفيشاوي ومي سليم ونسرين طافش ومحمود حافظ ومحمد محمود، وإبرام سمير وطاهر أبو ليلة، ويوسف وائل نور ويوسف الأسدي، ومشرف عام على الإنتاج محمد علاء الدين، ومدير المشروع سالم زعزع، ومنتج فني محمود سامي، ومدير إدارة الإنتاج نادر المصري، ومستشار إعلامي هاني صابر، ومن إنتاج شركة كولومبيا للإنتاج الفني، ومن تأليف سمير النيل وإخراج أيمن مكرم.